Google ADS

Sveçla dhe Haxhiu vizitojnë stacionin policor në Leposaviq, inaugurojnë dhomën miqësore për viktimat e dhunës

21:42 | 9 Dhjetor 2024
E.H

Ministri i Punëve të Brendshme, Xhelal Sveçla bashkë me ministren e Drejtësisë, Albulena Haxhiu kanë inauguruar dhomën miqësore për viktimat e dhunës në familje në stacionin policor në Leposaviq.

Me anë të një postimi në Facebook, Sveçla tha se fëmijët do të shmangen nga rrëfimet e ngjarjeve të dhunës në familje, transmeton Arbresh.info.

“Bashkë me Ministren e Drejtësisë Albulena Haxhiu, ditën e filluam në Stacionin Policor në Leposaviq me inaugurimin e dhomës miqësore për viktimat e dhunës në familje. Me libra dhe lojëra të ndryshme rekreative, fëmijët do të shmangen nga rrëfimet e ngjarjeve të dhunës në familje dhe viktimat do të kenë më të lehtë intervistimin pa i rënduar më tej fëmijët”, ka shkruar Sveçla.

“Stacionet policore janë dera e parë e shpresës dhe e zgjidhjes për viktimat e dhunës në familje. Kështu duhet të jenë gjithmonë, mbi këtë përgjegjësi duhet të punojmë të gjithë dhe këtë e inkurajoj më së shumti”, tha Sveçla. /Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm